Жаңалықтарды Telegram арнамыздан оқыңыз!Келесі жылдың 1 қаңтарына дейін еліміздегі барлық базар жаңғыртылады. Жыл соңына дейін базар басшылары жұмысты аяқтауы керек. Өйткені бұл заңмен белгіленген. Бұл туралы Сауда комитетінің төрағасы Айдар Әбілдабеков айтты. Жоспар бойынша 100 базар жаңартылады. Көбі Алматы қаласы мен Түркістан облысында орналасқан. Барлық өңірдегі базарларды түгендеу жұмысы жүргізіледі. Ел бойынша шамамен 600-ден аса базар бар. Жаңғыртуды уақытында аяқтай алмағандар әкімшілік жауапкершілікке тартылады. Миллион екі жүз мың теңгедей айыппұл салынады.
Асылбек Данияр
