Басты Жаңалықтар Теңгемен салынған депозиттер бойынша шекті мөлшерлеме жойылады

Теңгемен салынған депозиттер бойынша шекті мөлшерлеме жойылады

24.02.2025 19:52

Наурыздан бастап Қазақстанның депозиттерге кепілдік беру қоры теңгелік депозит мөлшерлемелерінің шегін белгілеуді толығымен тоқтатады. Яғни банктер депозиттік пайыздарын нарыққа байланысты өздері анықтайды. Бұрын Қор олардың депозит мөлшерлемелеріне шектеу қойып, олардың жоғары пайыздар ұсыну арқылы бәсекелестерін ығыстыруына жол бермейтін. Алайда қаржы секторының дамуы банктердің тұрақтылығы артқан сайын бұл шектеу кезең-кезеңімен жойыла бастады. Ал депозиттерге кепілдік беру қоры нарықта қалыптасқан орташа пайыздық көрсеткіштерді ашық жариялап отырады. Демек әр салымшы өз депозитіне ең тиімді пайызды таңдай алады. Шетелдік депозиттерге қатысты шектеу сол күйі сақталады. Айта кетейін, ақпандағы мәліметке сәйкес елімізде 131 млннан астам шот бар. Олардың 73 пайызы ұлттық валютада, 27 пайызы шетел валютасында ашылған.

Жаппарберген Айбота, «Қазақстанның депозиттерге кепілдік беру қоры» АҚ ресми өкілі:

Банктер өздеріне көп жауапкершілікті алуы, нарыққа төтеп беруі, банктердің арасында адал бәсекелестікті дамыту үшін ақшаның құны нарыққа байланысты шынайы, әділ белгіленуі үшін қор осындай қадамға барып отыр. Мұндағы мақсат - теңгелік депозиттерді дамыту.

Айдана Қуантқан

Бөлісу