Жаңалықтарды Telegram арнамыздан оқыңыз!Қаржылық мониторинг агенттігі еліміздің барлық өңірінде кең ауқымды операция жүргізіп, нәтижесінде тұтыну кооперативінің атын жамылған «Asar Baspana» қаржы пирамидасының заңсыз қызметі тоқтатылды. Осы ұйымға маңғыстаудан 2 мыңнан астам тұрғын 900 млн теңгеден астам қаражат салып, алданып қалған. Пирамиданы ұйымдастырушылар салымшыларға жылжымайтын мүлікті, көлік құралдарын, сондай-ақ тұрмыстық өнімдерді сатып алу үшін қаражат салуды ұсынып, ай сайын сол соманың 30% - на дейін пайда табуға уәде берген.
Компания кеңсесінде және күдіктілердің тұрғылықты жері бойынша жүргізілген тінту барысында 1,2 млрд теңгеден астам сомада қолма-қол ақша мен премиум кластағы 13 көлік тәркіленген. Ал пирамиданы ұйымдастырған екі адам қамауға алынды.
