Семейде Әлихан Бөкейхановқа ескерткіш орнатылды

Семейде Алаш қозғалысының 100 жылдығы аясында қоғам және мемлекет қайраткері Әлихан Бөкейхановқа ескерткіш орнатылды. Тарихи тұлға қазақ елін бодандықтың бұғауынан босатып, тұғырлы мемлекет құруды мақсат етті. Сол асыл арман – бүгінгі Тәуелсіз Қазақстан, - дейді ғалымдар. Сондықтан, кезінде Алаштың астанасы болған Семейдегі игі қадам өткенді саралап, тарихты танып-білуге ықпал етпек.

Шаһардың оң жақ бөлігінен орын тепкен сәулет нысаны байқауға қатысқан 4 жобаның ішінен үздік шыққаны. Авторы - Қазақстан Суретшілер Одағының мүшесі Бақытбек Мұхаметжанов. Таза қоладан жасалған мүсіннің биіктігі тұғырымен қосқанда 5 метрден асады.

Дарын САҒИТОВ