Жаңалықтарды Telegram арнамыздан оқыңыз!Қарағандыдағы жұлдыздар аллеясына Қазақстанның еңбек сіңірген қайраткері, «ТҮРКСОЙ» халықаралық ұйымының Бас хатшысы Дүйсен Қасейіновтың құрметіне белгі орнатылды. Ерекше аллеяның мақсаты - отандық танымал өнер және мәдениет қайраткерлерінің шығармашылығын насихаттап, өнегелі өмір жолын бүгінгі ұрпаққа үлгі ету.
Ең алғашқы рет 2007 жылы жұлдыздар гүлбағында күміс көмей әнші Бибігүл Төлегенованың есімі жазылды. Оның ашылуы кеншілер шаһарында өткен «Қарағанды - жастық шағымның қаласы» бірінші ретро фестиваліне орайластырылған еді. Ал, биыл кеншілер шаһарында өткен «Әуенді Сарыарқа» фестивалі Дүйсен Қасейіновтың 70 жылдық мерейтойына арналған «Бар байлығым-достарым» атты гала-концертпен қорытындыланды.
Руслан НҰРЛАНҰЛЫ
