Қазақстан шетелдік туристер үшін ең тартымды елдердің біріне айналды

Қазақстан шетелдік туристер үшін ең тартымды елдердің біріне айналды. Соңғы жарты жылда елімізге келетін шетелдік туристер саны 40 процентке өсті. Әсіресе қытайлық туристер ағыны көбейген. Өткен жылы 600 мыңнан астам қытай азаматы біздің елде демалуды жөн көрген. Бұған басты себеп - Қытай мен Қазақстан арасындағы визасыз режимнің енуі. Биыл туризм саласын дамыту басты назарға алынды. Сондықтан инфрақұрылым мәселесі қайта қаралып, салаға инвесторларды тарту жоспарланды.

Даниель Сержанұлы, «Kazаkh Tourism» ҰК» АҚ басқарма төрағасының орынбасары:

Біздің Президентіміз айтқандай қазір Үкіметтің назарында болатын Алматы, Алматы облысы, Ақмола облысы, нақты айтқанда Бурабай, Маңғыстау облысынан, Түркістан облысы және ШҚО. Осы 5 аймаққа ден қойып, туристерді сол жаққа көбірек тартумен айналысамыз. Ол үшін инфрақұрылым дамыту керек. Бұл тараптан ең алдымен министрлік әкімдітерге заңнамалық құзіреттерін беріп жатыр.

Динара Жарқынбек