Атырауда бүлдіршіндерді экологиялық мәдениетке үйретіп жүрген балабақша бар

Атырауда бүлдіршіндерді экологиялық мәдениетке үйретіп жүрген балабақша бар. Мектепке дейінгі білім беру ұйымында «Таза Қазақстан» акциясы басталғалы балақайлар бірнеше жоба дайындаған. Экологиялық акция аясында облыстық семинар өткізіліп, балалар зерттеу жұмыстарын қорғады. Жасыл экономика, полиэтилен пакетінің зияны, кішкентай эколог секілді зерттеу тақырыптары көрермен көзайымына айналды. Яғни балалар кішкентай кезінен табиғат жанашыры болып өсіп келеді.

Айнұр Халер, мектепалды тобының тәрбиеленушісі:

Мына ыдысқа полиэтилен пакетін көміп қойған едім. Ал мына ыдысқа қағаз көміп қойдым. Нәтижесін қарасам, полиэтилен пакеті әлі өз орнында тұр. Бірақ пакет топырақты ластап жатыр.

Нұрсұлтан Нұрсейіт