Қасым-Жомарт Тоқаев Түркия президентіне көңіл айтты

Мемлекет басшысы Түркия Республикасының Президентіне көңіл айту жеделхатын жолдады.

Онда Қазақстан президенті Болу провинциясындағы Карталкая тау шаңғысы орталығында болған өрт салдарынан көптеген адамның қаза тапқаны туралы суыт хабарды терең күйзеліспен қабылдағанын жеткізді. Сонымен қатар Қазақстан халқының және өзінің атынан Түркия Президенті Режеп Тайип Ердоған мен жақындарынан айырылған отбасыларға, сондай-ақ бауырлас түрік халқына көңіл айтып, зардап шеккендердің тез арада сауығып кетуіне тілектестік білдірді.

Темірлан Нұрсолтан