Алдағы уақытта экономиканы дамытуға арналған бірқатар маңызды заң қаралады

Алдағы уақытта экономикамызды дамытуға арналған бірқатар маңызды заң қаралады. Бүгін Сенаттың жалпы отырысында Мәулен Әшімбаев Президенттің «Ана тілі» газетіне берген сұхбатына қатысты пікірін білдірді. Оның сөзінше, бұл сұхбатта мемлекеттік саясаттың негізгі бағыттары айқындалды.

Сыртқы саясат пен халықаралық ынтымақтастық мәселелері де назардан тыс қалмаған. Сонымен қатар Сенат спикері қоғамда қызу талқыланған өзекті мәселелердің түйіні тарқатылғанын айтты. Осы ретте Президент бастамасымен қолға алынған реформаларды заңнамалық тұрғыдан қамтамасыз ету аса маңызды деді спикер.

Мәулен Әшімбаев, Сенат төрағасы:

Алдағы уақытта экономикамызды дамытуға және халықтың әл-ауқатын арттыруға арналған бірқатар маңызды заң қаралады. Оларды сапалы пысықтап, уақытылы қабылдауымыз қажет. Жалпы, Мемлекет басшысының Парламентке артқан жоғары сенімін ақтап, елдік мүдде жолында аянбай еңбек етуіміз керек.

Шерхан Жамбылұлы