Денсаулық сақтау саласында артық әкімшілік реттеу азаяды

Денсаулық сақтау саласында артық әкімшілік реттеу азаяды. Себебі, бүгін осы мәселені реттеуге арналған заң жобасы мәжілісте бірінші оқылымда мақұлданды. Осылайша, мемлекеттік органның шешімдерін қабылдау процесі жеделдейді. Көбінесе мемлекеттік органның қандай да бір шешім қабылдауы үшін, алдымен тиісті заңдарға өзгертістер мен толықтырулар енгізуі талап етіледі. Ал заң жобасы арқылы мемлекеттік органдардың қызметінде артық регламенттелген нормаларды кодекстен алып тастап, министрлік туралы ереженің деңгейіне көшіруді көздейді.

Ақмарал Әлназарова, ҚР Денсаулық сақтау министрі:

Кодекске шамамен 160-тан астам түзету енгізу қарастырылған. Оның ішінде 14-ін министрлік туралы ережеге ауыстыруға байланысты кодекстен алып тастау ұсынылды.Сондай-ақ заң жобасында нормалардың қайталануын болдырмайтын түзетулер бар.