Қазақстандықтар зейнетақы жинағынан қанша теңге шешіп ала алады?

Бірыңғай жинақтаушы зейнетақы қоры шекті мөлшерді жариялады. Оған сәйкес, қажетті сома көлемі өзгеріссіз қалған.

Яғни азаматтардың жасына қарай жинақта 3 млн-нан 10 млн теңгеге дейін ақша болуы тиіс. Мәселен, 20 жастағы азаматтар үшін жеткілікті шек 3 млн 260 мың теңге, ал 30 жастағылар үшін 4 млн 580 мың теңге, 40 жастағы азаматтарға 6 млн 100 мың теңге болмақ. Шешіп алған қаражатты тұрғын үй жағдайын жақсартуға немесе емделуге жұмсай алады. Тіпті сенімгерлік басқаруға аударуға мүмкіндік бар. Зейнетақы қоры жеткілікті шектің сол күйі қалуын ең төменгі жалақының өзгеріссіз қалуымен байланыстырды. Сондай-ақ бұған зейнетақы жинағы кірісіне жасалған болжам да әсер еткен.

Нұрсұлтан Тілектес