Алматыда қоғамдық көліктерге автобус шығарушы компаниялар қызмет көрсетеді

Алматыда қоғамдық көліктерге автобус шығарушы компаниялар қызмет көрсетеді. Жобаны таныстырған «АлматыЭлектроТранс» коммуналдық паркі аутсорсинг мекемелерді тартуды жоспарлап отыр.

Бұл шығынды азайтып, қоғамдық көліктердің қызмет көрсету сапасын жақсартады, - дейді жауаптылар. Яғни жаңадан сатып алынған отандық соңғы үлгідегі 600 автобусқа шығарушы компания қызмет көрсетеді.

Қоғамдық көліктердің жұмысын арнайы 5 бригада тексеріп отырады. Олар автобустардың парктен шыққан кезінен бастап, тұраққа оралғанша бақылайды. Сондай-ақ әр 30-35 күн сайын жоспарлы техникалық тексеру жүргізеді.

Нұрболат Мұсаев, «АлматыЭлектроТранс» ЖШС бас директорының орынбасары:

Оригинальный қосалқы бөлшектері болады. Сол себептен алдыңғы автобустардың мерзімі азайып, көп жүре алмай, запчасть келмей, қосалқы заттары келмегендіктен мерзімі азайып кетіп жатса мына жоба бойынша біз бұл автобустардың мерзімін ұзартамыз. Бұл пилоттық жоба 3 жыл мерзімге тағайындалды.

Қуан Нұрақын