Астанада Ақтөбе облысының күндері басталды

30-маусымға дейін астаналықтар мен қала қонақтарын Ақтөбеден келген өнер ұжымдары дайындаған мәдени бағдарлама күтеді. Бес күн бойы «Қазанат» атшабарындағы этноауылда барлық келушілер үшін «Ақтөбе облысының қазынасы» ұлттық этно-графикалық дүниелер көрмесі мен Ақтөбе облысының архитектуралық ескерткіштерінің фотокөрмесі жұмыс істейді. Шоу бағдарлама кеше «ЭКСПО-2017» көрмесінің аумағындағы амфитеатр сахнасында басталды. Онда «I am a Singer» халықаралық байқауының финалисі Димаш Құдайбергенов өнер көрсетіп, жанкүйерлерінің қошеметіне бөленді. Ақтөбе облысының күндері 30 маусым күні кешке Астана әкімдігінің алдында «Арайлы рух – Астана» гала-концертімен аяқталады.

Сәбит ӘЛДЕБАЙ