Қостанай облысында жол ережесін 40 рет бұзған жүргізуші ұсталды

Қостанайда жыл басынан бері жол ережесін 40 рет бұзып, 720 мың теңге айыппұл арқалаған жүргізуші ұсталды. Жалпыға ортақ тәртіпті елемейтін 29 жастағы азамат қала көшелерінде сағатына 60 шақырымның орнына 80-100 шақырым жылдамдықпен айдаған.

Тойота Альфард көлігін тізгіндеген ол жылдамдықты белгілі шектен 28 рет асырыпты. Мұның сыртында рульде отырып телефонмен сөйлескен, жолаушы тасымалы ережесін сақтамаған, уақытында көлігін техникалық тексеруден де өткізбеген. Ережені ескермей оңды- солды ойқастаған жүргізушіні полиция арнайы рейд кезінде ұстап, көлігін айып тұрағына қойды.

Дәренбек Әбдібек