Жаңалықтарды Telegram арнамыздан оқыңыз!Елордада Қытай киносы фестивалінің күндері басталды. Ауқымды шара бүгін салтанатты түрде «Қазмедиа орталығында» ашылды. Оған отандық әртістермен бірге, «Оскар» сыйлығының лауреаты, әлемдік кинематография саласының мегажұлдызы, продюсер және кинорежиссер Джеки Чан қатысты. Атақты әртіс шара аясында алғаш рет көпшілікке «Кунг-фу Йога» атты туындысын ұсынды.
Айта кетейік, Астанадағы Қытай киносының күндері 18 маусымға дейін жалғасады. Оның аясында қала тұрғындары «Іле өзені», «Шынайы махаббат», «Гүлім», «Қатерлі ісік мырза, кетіңіз» сынды кинокартиналарды тамашалай алады.
Айдана ҮСЕНБАЙ
