Жаңалықтарды Telegram арнамыздан оқыңыз!Осыдан 100 жыл бұрын жарық көрген «Абай» журналы оқырмандарға жол тартты. Бұған дейін «жоғалды» деп есептелген басылымның 12-ші санын Әл-Фараби атындағы Қазақ Ұлттық университетінінің докторанты Алтын Ақынбекова тапқан. Жалпы, «Абай» журналы 1918-жылы Алаш қайраткерлері - Жүсіпбек Аймауытов пен Мұхтар Әуезовтің басшылығымен жарық көрді. Авторлар сол тұстағы қоғамдық-саяси көзқарастары мен қазақтың хал-ахуалының мүшкілдігін айқын аңғарта білген.
Енді табылған журналды терең зерттеп, зерделеу міндеті тұр. «Ал, Елбасының рухани жаңғыруы осындай жоғалған асыл мұраларды тауып, айналымға қосуға септігін тигізеді», дейді ғалымдар.
Нұрлан АСҚАРҰЛЫ
