Жаңалықтарды Telegram арнамыздан оқыңыз!Есімі аңызға айналған Мұстафа Өзтүрік, кәсіпқой боксшы Қанат Ислам, спортшы Айдын Смағұлов - халқымыздың мақтанышына айналған бұл тұлғалар, дарабоз қолбасшы Қабанбай батырдың тікелей ұрпақтары. Осындай деректерді Қаракерей Қабанбай батырдың 325 жылдығына арналған жиында оның өмірін зерттеген тарихшылар жария етті. Астанада өткен шараға, зиялы қауым мен өнер қайраткерлері қатысты. Жиында батырдың өміріне қатысты тың деректер айтылып, бүгінгі ұрпақтар жалғастығы жайында да сөз болды. Мәселен, шараға келген тарихшылар Қабанбайдың сүйегінің орналасқан жері туралы тұжырымдарымен бөлісіп, ежелгі Қытай жазбаларында оған қатысты деректердің бар екендігін тілге тиек етті.
