Шығыс Қазақстанда «Ыбырай мектебі» жобасы таныстырылды

«Ыбырай мектебі». Осындай атаумен ауылдағы мектептерде білім мен техникалық жабдықты жақсарту бойынша жаңа жоба жұмыс істей бастады. Финляндия және Сингапур моделіне негізделген бағдарлама бірінші болып шығыстағы Самар ауданы Құлынжон ауылындағы орта мектепке енгізілген.

Бұл жобаның ерекшелігі ата-аналар сабаққа, үйірмелерге емін-еркін қатыса алады. Білім беру тұжырымдамасында нөлден бастап алтыншы сыныпқа дейінгі оқушыларды бастауыш мектеп ретінде қарастырады. Негізгі мақсат – үздіксіз білімді тәрбиемен ұштастыра беру. «Ыбырай мектебі» жобасымен басқа ауылдағы ұстаздар да танысты.

Аралбек Берікұлы, «Ybyrai mektebi» директоры:

Көп жерлерде ата-аналарды біріктіру – бұл оқу жүйесі қолға алынбай жатыр. Бірақ бізде ерекше жіксіз бағдарлама деген, түсінік бар. Ол мектеп ата-ана тек баланы әкеп алып кету үшін емес, баламен бірге арнайы үйірмелерге қатысып, солармен бірге жетділдіруге арналған жоба. Нақтырақ айтатын болсақ, 20 жыл оқымаған ат-аналар келіп кітап оқып жатыр. Бұл керемет жетістік емес пе!

Олжас Керейхан