Президент Олжас Бектеновті қабылдады

Мемлекет басшысы Премьер-министрді қабылдады. Олжас Бектенов Президентке еліміздің әлеуметтік-экономикалық жағдайы, егін орағы және су тасқынынан зардап шеккен өңірлерде тұрғын үйлерді қалпына келтіру жұмыстары туралы баяндады. Оның айтуынша өңдеу өнеркәсібі мен құрылыс саласы қарқынды дамып келеді. Ауыл шаруашылығында да айтарлықтай өсім бар. Қазір елдегі дәнді-дақылдар алқабының 27 пайызы жиналған. Шаруашылықтарға арзандатылған дизель отынын жеткізу кестеге сай жүргізіліп жатыр. Ал су тасқынынан зардап шеккендерге 7,5 мыңға жуық баспана берілді. Мемлекет басшысы жүргізіліп жатқан жұмыстың маңызын атап өтіп, елімізді одан әрі әлеуметтік-экономикалық тұрғыдан дамытуға қатысты тапсырмалар берді.

Досжан Маратұлы