Биыл 27 мыңнан астам балаға арналған жаңадан 240 балабақша ашылды

Биыл 27 мыңнан астам балаға арналған жаңадан 240 балабақша ашылды. Оқу-ағарту министрлігінің мәліметінше, қала мен ауыл арасындағы білім сапасының алшақтығын азайту үшін жыл сайын 1 мың ауыл мектебі жаңғыртылмақ. Яғни робототехника, химия, биология, физика және STEM-зертханалар бойынша пәндік кабинеттер жабдықталады.

Ал инклюзивті білім беруге жағдай жасаған мектептердің үлесі жарты жылда 88%-ға дейін жеткен. Сонымен қатар өңірлерде 2 мың 600 төсек-орынға арналған 11 жаңа жатақхананың құрылысы жүріп жатыр. Бұл колледж студенттерінің 85%-дан астамын үй-жаймен қамтуға мүмкіндік береді. Кадрлық әлеуетті дамытуға да ерекше көңіл бөлініп келеді. Бүгінде 30 мың педагог біліктілікті арттырудың тегін курстарынан өткен.