Су тасқынынан зардап шеккен кәсіпкерлерге 12 млрд теңге қаржылай көмек көрсетіледі

Су тасқынынан зардап шеккен кәсіпкерлердің мүлік шығынын өтеуге Үкімет резервінен 12 млрд теңге бөлінді. Үкімет баспасөзінің хабарлауынша, бұл қаржы Ақмола, Ақтөбе, Атырау, Батыс Қазақстан, Қостанай және Солтүстік Қазақстан облыстарының бюджетіне аударылады.

Кәсіпкерлер қаржылай көмекті алу үшін өңірлік комиссияларға өтінім тастау керек. Бүгінде шағын және орта бизнес субъектілерінің 178 өтінімі қаралған. Әкімдіктердің алдын ала бағалауы бойынша, 746 шағын және орта бизнес нысаны зардап шеккен.