2 жасар бала Каспий теңізіне батып кетті

Екі жасар бала Каспий теңізіне батып кетті. Қайғылы оқиға Қарақия ауданы Құрық ауылынан 5 шақырымда шомылуға тыйым салынған жерде болған. Төтенше жағдайлар министрлігінің хабарлауынша, қазір оқиғаның мән-жайын жедел тергеу тобы анықтап жатыр. Жалпы елімізде жыл сайын осындай қайғылы жағдайлар тіркеледі. Мамандардың айтуынша, жылына орта есеппен 200-ге жуық адам суға кетеді. Сондықтан мамандар шомылу кезінде барынша сақ болып, балаларға мұқият қарауды сұрап отыр.

Досжан Маратұлы