Тасқыннан зардап шеккен аймақтардағы құрылыс барысын онлайн бақылауға болады

Су тасқынынан зардап шеккен аймақтардағы құрылыс барысын онлайн бақылау жүйесі іске қосылды. Бүгінде жаңа баспана салынып жатқан 6 облыста Sergek бейнебақылау камералары орнатылған. Демек, Ақмола, Ақтөбе, Батыс Қазақстан, Қостанай, Солтүстік Қазақстан және Атырау облыстарындағы баспана құрылысының қалай жүріп жатқанын онлайн бақылауға болады. Ол үшін еgov.kz сайтына кіру қажет. Өнеркәсіп және құрылыс министрлігінің мәліметінше, бұл су тасқынан зардап шеккен елдімекендерді тез қалпына келтіруге және құрылыстың мерзімінде аяқталуына сеп болады.