Бүгін «Қазмедиа орталығына» асыға жеткендердің қарасы қалың болды. Өйткені, Ұлттық арнаның «Сәлем, Қазақстан» жобасы аясында көпшіліктің сүйіктісі Ақылбек Жеменейдің ән кеші өтті.
Кеш өнер иесінің орындауындағы «Алматы-Астана» әнімен басталды.
Концерт барысында кеш иесі «Миллион қыздар», «Арман-ай», «Сары алма», «Көршілер» әндерін орындады.
Концертте «Қазақстан дауысы» жобасының жеңімпазы Бауыржан Ретбаев көрермендерге ән тарту етті.
Жобаның ең қызықты бөлігі - «Жұлдызды караоке» айдарында Ақылбек Жеменейдің көрермендермен бірге хитке айналған «Қызыл өрік» әнін шырқауы.
Сонымен қатар, «Мың сұрақ» айдарында әнші жиналғандардың сұрақтарына жауап беріп, сырларымен бөлісті.
Халықтың әншіге деген ерекше ықыласы.
Кеш қонағы - Ғаділбек Жанай.
Көпшіліктің сүйіктісі «Армандастар» әнін жаңа үлгіде орындағанда, көрермендер бірге ойнап өскен құрдастарын еске алды.
Кеш иесіне «Сәлем, Қазақстан!» жобасы ұжымының атынан естелік сыйлық тарту етілді.
Концерт соңында хитке айналған «Қызыл өрік» әні екінші рет шырқалып, кеш қорытындыланды.