Жаңалықтарды Telegram арнамыздан оқыңыз!
Су тасқының салдарынан жарамсыз болып қалған үйлердің орнына салынатын жаңа баспананың 1 шаршы метрінің құны 281 мың теңгеден болады. Бұл туралы Өнеркәсіп және құрылыс министрі Қанат Шарлапаев айтты.
Министрдің сөзінше, қазір апат орын алған өңірлердің әкімдерінен түскен ақпараттар жинақталып жатыр. Соған қарай облыстардың жергілікті бюджетінен, одан кейін республикалық бюджеттен қаражат бөлінеді. Мәселен, 80 шаршы метрлік баспана құны – 22 млн теңге. Яғни, жаңа баспанының шаршы метрі 281 мың теңге болады.
Қанат Шарлапаев, ҚР Өнеркәсіп және құрылыс министрі:
Қазіргі таңда үйлердің саны белгісіз. Жергілікті атқарушы органдар толық ақпаратты жинайды, одан кейін біз қаражатты бөлеміз. Бірақ бір үйге 22 млн теңге бөлінеді. Осындай бағаны өзіміз бекіттік.
