Жаңалықтарды Telegram арнамыздан оқыңыз!Бүгін Мақсұт Нәрікбаев атындағы университет 30 жылдығын атап өтті. Осы жылдар ішінде университет 30 мыңға жуық кәсіби кадр дайындаған. Мерейтойға орай, оқу орынның 4 жоғары мектебі арасында ең үздік құттықтау бойынша байқау ұйымдастырылды. Іс-шара тек студенттерге ғана емес, университет қызметкерлеріне, оқытушыларына және түлектеріне арналған. Жүлде қоры 5 000 000 теңге. Шоуға 5 мыңнан астам адам қатысты.
Камила Өркенқызы, Жастар ісі жөніндегі департаментінің іс-шаралар жөніндегі менеджері:
Бізде жаңағы жоғары құқық мектебі, жоғарғы гуманитар мектебі, халықаралық журналистика мен экономика мектебі. 4 мектеп бір-бірімен жарысады. Оның ішінде оқушылар, студенттер, оқытушылар құрамы бір команда ретінде өнер көрсетеді. Байқауға 5 млн қаржылық ақша тігілген.
