Жаңалықтарды Telegram арнамыздан оқыңыз!Швеция ресми түрде НАТО-ның 32-ші мүшесі болды. Елдің туы салтанатты түрде ұйымның Брюссельдегі штаб-пәтеріне ілінді.
Салтанатты рәсімге НАТО-ның бас хатшысы, Швецияның патша-ханшайымы Виктория мен елдің Премьер-министрі Ульф Кристерссон қатысты. Ұйымның бас хатшысы Столтенберг «корольдіктің Солтүстік атлантикалық альянсқа қосылуы-НАТО-ны одан сайын нығайтады»-деп мәлімдеді. Еске салсақ, Скандинав елі әскери Одаққа кіруге 2022 жылдың мамырында өтініш білдірген. Алайда, Түркия мен Мажарстан хаттаманы кеш ратификациялап, мүшелікке биыл наурызда ғана қабылданып отыр.
Йенс Столтенберг, НАТО-ның бас хатшысы:
НАТО-ға мүше 32 мемлекет ортақ мүддені көздейді. Ол-соғыстың алдын алып, 1 млрд адамды қорғау, ішкі жалпы өнімнің 2 пайызын қорғаныс саласына жұмсау. Біз еркіндік пен демократия жолын таңдаймыз.
Ульф Кристерссон, Швецияның премьер-министрі:
200 жылдан астам уақыт әскери бейтараптық саясатын ұстанып келген біз үшін бұл тарихи сәт. Мүшелікке қабылдану Швецияның, көрші елдеріміздің қауіпсіздігі үшін жасалған нақты қадам.
Нұрсұлу Қасым
