Жаңалықтарды Telegram арнамыздан оқыңыз!Министрліктерде басшы көп. Бұл жауапкершіліктен жалтаруға мүмкіндік береді. Мемлекеттік қызмет істері агенттігі төрағасының орынбасары Салауат Мүксімов осылай деді. Былтыр агенттік 4 салаға ауқымды талдау жүргізген. Олар – Сауда және интеграция, Қаржы, Ауыл шаруашылығы, Экология және табиғи ресурстар министрліктері. Мысалы, Экология және табиғи ресурстар министрлігінде орталық аппаратының штат саны – 122. Оның ішінде 61 адам басшы және оның орынбасарлары. Сондай-ақ, ведомства құрылымында жеке департамент бар. «Жалпы, мемлекеттік қызметтерді алу кезінде бюрократия фактілері әлі де кездеседі», - деді агенттік өкілі. Былтыр агенттік 910 өтінішті қарап, 350-ден астам қызмет алушының құқығын қорғаған.
Салауат Мүксімов, ҚР Мемлекеттік қызмет істері агенттігі төрағасының орынбасары:
Бюрократияның бірінші белгісі – басқару құрылымы мен штат санының жеткіліксіздігі және артық болуы. Бұл – көбіне мемлекеттік органдарда басшы лауазымдар санының артық болу дерегі. Ол басшылық құрамның жүктемесін азайтуға, басқарудың тиімділігі мен жеделдігін төмендетуге, жауапкершіліктен жалтаруға, қаржылық мүмкіндікті азайтып, қызметкерлерді ынталандыруға мүмкіндік бермейді.
Асылбек Данияр
