Бүгін - Халық әртісі Мәдениет Ешекеевтің туғанына 80 жыл

Мәдениет Ешекеев (1936-1997) Шығыс Қазақстан облысының Бородулиха ауданында дүниеге келген.

Ол - дәстүрлі халық әндерін өз ерекшелігімен аса шебер орындаушы, Жүсіпбек Елебековтің алғашқы шәкірттерінің бірі.1957-1964 жылдары Семей облыстық концерттік-эстрадалық бюросында, 1965-1975 жылдары «Қазақконцертте» өнер көрсеткен. 1975 жылдан өмірінің соңына дейін Семей облысы филармониясының әншісі болған.

Мәдениет Ешекеевтің репертуарында қазақ халық әндерімен бірге Біржан салдың, Ақан серінің, Абайдың, Жаяу Мұсаның, Балуан Шолақтың және басқа да халық композиторларының әндері бар.

Бүгінде оның орындауындағы бірқатар әндер Қазақ радиосының «Алтын қорында» сақтаулы тұр.