Өзбекстанда заңсыз майнинг ферма табылды

Өзбекстанның Самарқан облысында заңсыз жұмыс істеген майнингтік ферма анықталды. Нысан құжат бойынша жихаз шығаратын цех ретінде тіркелген болып шықты. Жымысқы әрекетті «Узэнергоинспекция» мамандары мен құқық қорғау органдары тексеру кезінде әшкерелеген. 47 құрылғы тәркіленді. Мемлекетке келтірілген шығын 10 миллиард сомға жуықтайды. Қазір цехтың құжаттары прокуратураға жолданды. Бұған дейін дәл осыған ұқсас жасырын фермалар Ферғана мен Науайы облыстары аумағында табылған еді. Айта кетейік, Өзбекстанда криптовалюта өндірумен заңсыз айналысқандар 49,5 млн сом айыппұл төлейді.

Базаркүл Отыншиева