Жаңалықтарды Telegram арнамыздан оқыңыз!Қарағанды облысы Теміртау қаласында мұз қатып қалған магистральдық су құбыры қайта іске қосылды. Диаметрі 300 милиметр құбырдың бастапқыда 20 метр бөлігі қатып қалған болатын. Далада аяз 31 градусқа жеткендіктен, торапқа түгелдей істен шығу қаупі төнген еді. Коммуналдық сала мамандары екі күн бойы мұз боп қатқан құбырды жібітіп, магистральды сақтап қалды. Металлургтер қаласының сусыз қалған шығыс бөлігіндегі 6 тұрғын алапта қазір жағдай қалыпқа келді. Бірақ мамандар тіршілік нәрін ішуге болмайды деп отыр. Себебі құбыр бойын мұздан тазарту үшін техникалық су жіберілген.
Руслан Нұрланұлы
