Облыста шетелдік компаниялардың инвестициясымен екі ірі жоба іске қосылды. Соның бірі – Қызылорда қаласындағы шыны зауыты. Орталық Азиядағы ең үлкен әйнек өндіретін кәсіпорынға қытайлық инвесторлар қаржы құйды. Жыл басынан бері 141 мың тонна шыны өндірліп, ел нарығын қамтып қана қоймай, алыс-жақын шет мемлекеттерге экспортталып жатыр. Аймақтағы екінші ірі инвест жоба – томпонажды цемент зауыты. Шиелі ауданында орналасқан кәсіпорында цементтің 6 түрі өндіріледі. Зауытта жергілікті жерден 200-ден аса адам тұрақты жұмыспен қамтылып, өңірдің әлеуметтік-экономикалық әлеуетіне оң септігін тигізіп отыр. Жалпы облыста шетелдік инвесторлардың қаржысына ірілі-ұсақты 10-ға жуық жоба жүзеге асырылып отыр.
Әділбек Серікұлы
![](https://px.mediadata.kz/s.gif?mh_id=7916e9245b3c5232be2c21bfdafded87&mh_news=Қызылорда облысында екі үлкен инвестициялық жоба іске қосылды&mh_tags=Qazaqstan&mh_page=https://qazaqstan.tv/news/186017/)