Жаңалықтарды Telegram арнамыздан оқыңыз!Газа секторында атысты тоқтату режимі тағы бір күнге ұзартылды. Мұндай хабарды америкалық «Wall Street Journal» газеті жариялады. Басылымның хабарлауынша, Хамас пен Израиль бүгін де тұтқын алмасуға келіскен. Бұл ақпарат расталса, Газа секторында уақытша бітім 8 күн қатарынан жарияланады. Дегенмен қақтығысушы тараптар бұл ақпаратты әзірге растаған не жоққа шығарған жоқ. «BBC»-дің хабарлауынша, Израиль мен Хамас арасындағы алдағы келіссөздер күрделі өтуі мүмкін. Себебі қарулы топ 7 қазанда ұсталған әйелдер мен балалардың барлығына жуығын үйлеріне жіберді. Енді ер адамдар, оның ішінде сарбаздарды кепілден босату жайы қозғалады.
Арай Төлегенқызы
