Жеке сот орындаушылары заңға қарсы әрекет еткен

Жеке сот орындаушылары заңға қарсы әрекет еткен. Мұны Қостанай облысының прокуратурасы анықтады. Қайтыс болған азаматтардан қарыздарын өндіріп келген. Ал заңға сәйкес сот орындаушысы өндіріп алушы қайтыс болған жағдайда бір жұмыс күні ішінде атқарушылық іс жүргізуді тоқтата тұруға міндетті. Яғни, өндіріп алушының құқықтық мирасқоры анықталғанға дейін атқарушылық іс жүргізу тоқтатылады.

Бірақ қайтыс болған борышкерлерден алимент өндіріп алу туралы 33 іс тоқтатылмаған. Алимент бойынша қайтыс болған 13 өндіріп алушыға қатысты мәселе шешілмеген. Аталған фактілер бойынша жеке сот орындаушыларының өңірлік палатасының атына заң бұзушылықтарды жою туралы ұсыныс енгізілді.  

Әсима Нұрбайқызы