Жаңалықтарды Telegram арнамыздан оқыңыз!Алматыда «Біріккен ядролық зерттеулер институтына» мүше-мемлекеттердің өкілдері бас қосты. Жиында институттың бұған дейін жасаған ғылыми жобалары талқыланды. Айта кетейік, Ресейдің Дубна қаласында құрылған институтқа 16 мемлекет мүше. Біріккен ядролық зерттеулер институты мен Қазақстан арасындағы ынтымақтастық аясында бірқатар маңызды жобалар жүзеге асырылды. Мысалы NICA жобасы бойынша детекторлар құрастыруда отандық ғалымдардың үлесі зор. Қазір Біріккен ядролық зерттеулер институтында 90 қазақстандық ғалым еңбек етеді.
Саябек Сахиев, ядролық физика институтының бас директоры:
Біріккен ядролық зерттеулер институтының тағы бір Қазақстан үшін маңыздылығы енді Қазастанда ультра салқын нейтрондық , әлемдегі ең теңдессіз сондай көзін ашу, ядролық физика институтына мүмкіндік туып тұр. Яғни, Қазақстанға да Megascience жобалар келеді. Әлемнің жетекші ғалымдары ядролық физика институтындағы су зерттеу реакторының негізінде сол жерде зерттеулерін жасауға даяр.
Нұрсұлтан Тілектес
