Мамандарды дайындауға жасанды интеллект көмектеседі

Алматыдағы жоғары оқу орнындарындағы оқытушыларға жасанды инттелект көмектеседі. Жоба алдағы 2-3 жылда жүзеге асуы мүмкін.

Бұл туралы мегаполисте отандық және шетелдік ғалымдардың қатысуымен өтіп жатқан халықаралық конференцияда айтылды. Қазір әлемнің жетекші елдерінде жасанды интеллект технологиясы кеңінен қолданыла бастады. Бұл үрдіс Қазақстанға да қажет,- дейді мамандар. Олардың айтуынша, елімізде айти саласы қарыштап дамып келеді, технолгияның бұл түрін медицинадан бөлек, ауыл шаруашылығы, білім беру саласына енгізуге мүмкіндік бар.

Мұрат Сыздықов, Ғ.Дәукеев атындағы Алматы энергетика және байланыс университетінің ректоры:

Білім беру саласында арнайы платформаларды атап өттік. Бұл жердегі ең басты мақсат мұғалімдерді алмастыру деп айтпай-ақ қояйық, мұғалімдерге қосымша көмек ретінде сондай жасанды интелектті қолдау. Ғылыми жобалардың нәтижесі біз 10-20 жылдан кейін көреміз. Бірақ, қазір әлем өзгеріп жатыр. Сол себепті жылдамдықты өсіру керек.

Нұрсұлтан Тілектес