Атырауда 148 500 га жер мемлекет меншігіне қайтарылды

Атырау облысында 148 500 гектар жер мемлекет меншігіне қайтарылды. Оның ішінде 40 гектары егістік, қалған бөлігі жайылымдық алқап. Президент тапсырмасына сәйкес, ауыл шаруашылық мақсатына беріліп игерілмей отырған бос жерлерді қайтару жұмыстары қарқынды. Жыл басталғалы 40-қа жуық жоспардан тыс тексеріс жұмыстары жүргізіліп, нәтижесінде 250 жер учаскесі анықталыпты. Бұл көрсеткіш апта сайын жаңартылып отырады дейді мамандар. Биыл Атырау облысы бойынша 210 000 га жерді мемлекет меншігіне өткізу жоспары тұр.

Гүлзия Құрманова, Жер ресурстарын басқару департаменті басшысы:

Бұл қайтарылған азаматтардың реестрде тізімде тұратындығы және 3 жылға дейін қайтадан ауылшаруашылық жерін алуға мүмкіндігі болмайтынын түсіндіріп айттық. Сол түсіндіру жұмыстарының нәтижесінде көптеген азаматтар өз еріктерімен қайтарып алдағы уақытта жерді қайтадан алатынын көздері жетіп, осылай жұмыстар атқарылуда.

Жандос Темірғали