Cтамбулда Яссауи шатыры құрылды

Стамбул қаласында Қожа Ахмет Яссауи шатыры құрылды. Қала әкімдігі мен Халықаралық Қожа Ахмет Яссауи университеті бірлесе жүзеге асырған бұл шара ЮНЕСКО-ның 2016 жылды Қожа Ахмет Яссауи жылы ретінде жариялауына байланысты өткізілді.

Стамбулдағы Топкапы түркі әлемі мәдениеті ауданында құрылған шатыр наурыздың 21 күні ашылған. Шатырда Қожа Ахмет Яссауидің өмірін суреттейтін бұйымдар, Тайқазан мен Яссауидің мөрінің, кесенесінің ішінде орналасқан бұйымдардың көшірмесі қойылды.

Сонымен қатар, осы ауданда Қожа Ахмет Яссауи кесенесінің макеті де орналастырылған. Бұл кешенде Орхон жазулары, Әзербайжандағы Қыз қамалы мен Қырғызстандағы Бұрана мұнарасының макеттері де қойылған