Жаңалықтарды Telegram арнамыздан оқыңыз!Ресейде көлік бағасы тағы қымбаттады. Бүгінгі күні автомобильдің орташа құны 3 млн рубльге жеткен. Санкцияның астында қалған көрші елдің экономикасы құлдырап, долларға шаққандағы рубльдің құны әлсіреді. Мамандардың айтуынша, автомобильдердің бағасы желтоқсанда тағы 30% - ға қымбаттайды. Қазіргі таңда елде көлік шығаратын бір ғана кәсіпорын қалған. Болжам бойынша, жыл соңында инфляция 16 пайызға жетеді. Сондықтан автонесиелер үшін пайыздық мөлшерлеме өседі.
Сергей Целиков, сарапшы:
1 тамыздан бастап ескі көліктерді тіркеу алымы өсті. Бұл көлік құнының қымбаттауына сеп болды. Оған қоса көптеген шетелдік бренд Ресейден кетті. Сапалы көлік жасап шығаруға құрал-сайман жоқ. Бүгінгі күні Ресейдің нарығын Қытай автомобильдері жаулап алды, үлесі 56 пайыз. Оның өзі қымбаттап кетті.
Индира Бегайдар
