Маңғыстауда 81 мың гектар жер мемлекетке қайтарылды

Маңғыстауда құны 7 млрд теңгеден асатын жер учаскелері мемлекетке қайтарылды. Атап айтқанда, жалпы ауданы 81 мың га 94 жер телімі мемлекет меншігіне өткен. Оның ішінде «Алтын учаскелер» деп аталатын қымбат жерлер де бар. Мысалы, жағалау аймақтарында 2004 жылдан бері игерілмеген 2,6 млрд теңгенің 255,5 гектар 6 жер телімі қайтарылды.

Одан бөлек, жекелеген аудандарда шамамен 60-қа жуық ауылшаруашылық жерлер толық көлемде пайдаланылмаған. Облыстық прокуратураның мәліметінше, қадағалау актілерімен кінәлі лауазымды тұлғалар тәртіптік жазаға тартылды.

Серік Селеубай