Президент онлайн платформалар және онлайн жарнама туралы заңға қол қойды

Президент «Онлайн платформалар және онлайн жарнама туралы» заңға қол қойды. Құжатты 7-ші маусымда Мәжіліс бірінші оқылымда мақұлдаған болатын. Мемлекет басшысы «Кейбір заңнамалық актілерге онлайн платформалар және онлайн жарнама мәселелері бойынша өзгерістер мен толықтырулар енгізу туралы» Заңға да қол қойды. Құжатты әзірлеудегі мақсат – ең алдымен адам құқығын қорғау. Заң аясында онлайн-платформаларда жалған ақпаратты орналастыруға және таратуға тыйым салынады. Пайдаланушылар өз парақшаларында орналастырылатын жарнаманы таңбалауға міндетті. Сондай-ақ өз қызметін міндетті түрде кәсіпкерлік заңнамаға сәйкес жүргізуі қажет.

Айдос Сарым, ҚР Парламенті Мәжілісінің депутаты, «Amanat» фракциясының мүшесі:

Барлық мәселені сот, сот арқылы шешу керек. Және оның ішінде айыппұлдар болу керек. Адам қасақана емес, қателесіп кетсе немесе басқа да жағдайға тап болса, таралған ақпараты көп зиян тигізбесе онда 20 АЕК айыппұл төлек деген мәселе бар. Ал егер қайталанатын болса, екі еселенеді.