Астанада «007 Спектр» фильмі қазақ тілінде көрсетілді

Осыған дейін отандық кинотеатрларда 11 голливудтық блокбастер қазақ тіліне тәржімаланған.

Астанада британдық агент Джеймс Бонд туралы түсірілген «007 Спектр» фильмі алғаш рет мемлекеттік тілде ұсынылды. Осыған дейін отандық кинотеатрларда 11 голливудтық блокбастер қазақ тіліне тәржімаланған.

Оның ішінде «Көліктер-2», «Монстрлар университеті», «Галактика сақшылары», «Күлбике» сынды туындылар да бар. Агент Джеймс Бондты қазақшалаған актер Ержан Жарылқасынов.

Ұйымдастырушылардың айтуынша, жоба арқасында қазақ тілі әйгілі Колумбия Пикчерс (Columbia Pictures) кинокомпаниясы әзірлеген фильмдерді дубляждауда 7-ші әлемдік тіл болып енген.

Ақбота ҚАЙНАР