Елде бренд өнімдерді қолдан жасауға шектеу күшейтіледі - «Qazaqstan» Ұлттық телеарнасы

Елде бренд өнімдерді қолдан жасауға шектеу күшейтіледі

08.06.2023

Бренд өнімдерді қолдан жасауға шектеу күшейтіледі. Сенат тиісті заңды мақұлдады. Жалған тауар белгілерін және географиялық көрсеткіштерді пайдаланудың алдын алу жөніндегі ынтымақтастық туралы келісімге, ТМД Үкімет басшылары 2021 жылы мамырда қол қойған. Құжатта тауарлардың көшірмесін жасау туралы ақпарат алмасу, өнеркәсіптік меншік саласында бірлескен ғылыми зерттеулер жүргізу, зияткерлік меншік құқықтарын қорғау бойынша кадрларды даярлау, олардың біліктілігін арттыру жөніндегі бірлескен іс-шаралар көзделген.

Қайрат Тастекеев, ҚР Парламенті Сенатының депутаты:

ТМД-ға қатысушы мемлекеттердің тауарларды дараландыру құралдарын қорғаудың ұлттық жүйелерін одан әрі дамыту жөніндегі күш-жігерін біріктіруге бағытталған. Бүгінгі таңда мемлекетішілік рәсімдерді Армения, Беларусь, Өзбекстан және Қырғызстан жүргізеді.

Дарын Сағитов

Хабарламаларға жазылу