Жаңалықтарды Telegram арнамыздан оқыңыз!Астана Халықаралық форумына қатысу үшін келген ЮНЕСКО-ның бас директоры жұмыс сапары аясында Түркістан қаласына барды. Одрэ Азуле ЮНЕСКО-ның бүкіләлемдік мұралар тізіміне қазақстандық нысандар арасынан бірінші болып енген Қожа Ахмет Яссауи кесенесін аралап көрді. Құрметті мейманға мемлекеттік кеңесші Ерлан Қарин кесенені сақтауға қатысты атқарылып жатқан жұмыстар жайында мәлімет берді. ЮНЕСКО-ның бас директоры Қазақстан тарапының тарихи-мәдени мұраларды сақтауға байланысты қабылдаған шаралары жөніндегі ақпаратты үлкен ықыласпен тыңдады.
Азамат Нұғыманов
