Жаңалықтарды Telegram арнамыздан оқыңыз!«Қазақстан» телерадиокорпорациясы 16 жастан асқан кәсіби және әуесқой орындаушыларды «Qazaqstan дауысы» мегажобасының жаңа маусымында бақ сынауға шақырады. Іріктеу 25-26 маусым күндері Астана қаласында өтеді.
Жобаға 16 жастан асқан орындаушылар қатыса алады.
Іріктеу талаптары:
- Музыкалық қабілетіңізді көрсететін заманауи хит және кезінде өте танымал болып, әлі күнге дейін айтылып жүрген түрлі бағыттағы әндерді орындау керек;
- Әр әннің ұзақтығы 1 минут 30 секунд қана болуы шарт;
- Жеке авторлық әндерді орындауға болмайды;
- Қатысушы орындайтын әннің бэк-вокалсыз аранжировкасын алып келуі қажет;
Кастингке қатысушылар әнді түрлі аспаптардың сүйемелдеуімен немесе концертмейстердің көмегімен орындай алады.
Музыкалық тележобаға қатысқысы келетін үміткерлер оффлайн кастингке төменде көрсетілген WhatsApp нөмірлер арқылы алдын ала тіркелуі қажет:
+7 (707) 666-40-32
+7 (702) 953-00-95
Офлайн кастинг Алматы қаласында Желтоқсан көшесі, 175, Астана қаласында Д.Қонаев көшесі, 4 мекенжайында ұйымдастырылады.
Онлайн кастинг 2023 жылғы 30 маусымға дейін жалғасады. Өтінімдер https://qazaqstan.tv/voice сайты арқылы қабылданады.
