Жаңалықтарды Telegram арнамыздан оқыңыз!Оңтүстік Кореяда Қазақстанның әнұраны шырқалып, көк туы көкке көтерілді. Ауыр атлетикдан өтіп жатқан Азия чемпионатында Қазақстан құрамасының қоржынына алғашқы алтын медаль түсті. 102 келі салмақта «чемпион» атанған Нұрғиса Әділетұлы үш бірдей медальға ие болды.
Нұрғиса жұлқа көтеруді 173 келімен бастап 181 келімен аяқтап, кіші күміс жүлдеге ие болды. Ал серпе көтеруде 210 одан кейін 215 келіні бағындырды. Соңғы мүмкіндігінде 219 келіге тапсырыс беріп, басынан асырды. Осылайша, қазақстандық зілтеміршінің қанжығасында кіші алтыннан бөлек жалпы есепте 400 келіні көтеріп Азия чемпионы атанып отыр.
Нұрғиса Әділетұлы, Ауыр атлетикадан Азия чемпионы:
Осы жеңісімді елімізді қорғаған жалпы жеңіс күніне арнағым келеді осы алтын медалімді. Жаттығу жиынында мен 190-200 келіні көтерген болатынмын. Қазір мен жіпсіз өзім үшін 181 келіні көтердім ол өзім үшін рекорд, 219 келі де рекорд болып тұр.
Асылбек Данияр
