Елордада білім саласының үздіктері марапатталды

Елордада елдің үздік педагогтері бас қосты. Олар мұғалімдердің мәртебесі мен шығармашылық деңгейін арттыру мақсатында ұйымдастырылған «Білім беру ісінің Үздік педагогы» республикалық байқауының жеңімпаздары.

Биыл алтыншы рет өткізілген шараға республика бойынша 500-ден астам ұстаздан өтінім қабылданған. Олар қазақ тіліндегі авторлық жұмыстарын жіберген. Жүзден жүйрік шыққан 100 ұстазға арнайы төсбелгі мен алхыс хат табысталды.