Шымкентте мектептің бас бухгалтері үш жыл бойы мемлекет қаржысын өз қажетіне жаратқан

Шымкент қаласындағы №138 мектептің бас бухгалтері үш жыл бойы мемлекет қаржысын өз қажетіне жаратып келген. Ол осы мерзімнің ішінде мектепке бөлінген 67 миллион теңгені жымқырған. Тергеу барысында анықталғанындай, бас есепші мектеп директорының цифрлы қолтаңбаны қолдана алмайтынын пайдаланып, жымысқы әрекетін жүзеге асырған. Басшы тарапынан бақылаудың жоқтығын біліп/ мемлекет қаржысын өз қалауына жаратып келген. Бас бухгалтердің бұл әрекетіне байланысты қылмыстық іс қозғалды. Сотқа дейінгі тергеу жүргізілуде. Бұл Шымкент қаласы білім беру саласындағы алғашқы қылмыстық әрекет емес. Жыл басынан бері білім басқармасы мен осы саланың 13 лауазымды тұлғасына қатысты қылмыстық іс қозғалған.