Елде депозит көлемі бір жылда 21 процентке артты

Елімізде депозит көлемі бір жылда 21 пайызға артып, 31 триллион теңгеден асты. Әрі ақшасын теңгеде сақтайтындар көбейген. Мәселен жыл басынан бері ұлттық валютадағы депозит көлемі 2 пайызға артқан. Ал шетел валютасындағы салымдар керісінше 6 процентке азайып отыр. Жинақтың басым бөлігі яғни, 17 триллион теңгесі жеке тұлғаларға, қалған 14 триллионы заңды тұлғаларға тиесілі. Сарапшылар теңгедегі салымның артуын базалық мөлшерлеменің көтерілуімен байланыстырады.

Досжан Маратұлы