Жаңалықтарды Telegram арнамыздан оқыңыз!Петропавлда мектепке балта ала барып, үш баланы жарақаттаған жасөспірімнің өзіне қол жұмсамақ болғаны анықталды. Елді елең еткізген оқыс оқиға ақпан айында болған. Жапа шеккен екі бала бір айға жуық уақыт ауруханада ем алды. Ал сабаққа суық қарумен барған оқушы екі айға қамауға алынған. Құзырлы органдар оның психологиялық диспансерде тіркеуде тұрғанын растады. Енді облыстық прокуратура осы қылмыстық іске қатысты тың деректерді айтты. Басқа балалардың күдіктіге әлімжеттік көрсетіп келгені де белгілі болды.
Әбу-Әли Саттар, облыс прокурорының орынбасары:
Бала 2021 жылы өз-өзіне қол жұмсамақ болыпты. Оның бойында психологиялық ауытқушылық барын, ұзақ уақыт емделіп жүргенін мектеп әкімшілігі білген. Алайда ешқандай шара қолданбаған. Тіпті жасөспірімнің өз-өзін өлтіруге оқталғаны туралы денсаулық сақтау органдарына хабарламаған.
Эльмира Кәленова
